Logo de varios anos de solicitudes, o concello construiu unhas novas instalacións deportivas axeitadas á práctica do piragüismo, situadas na aldea de O Bugallal fronte á aldea emerxida do Marquesado.
O lugar donde se debían ubicar as instalacións suscitou unha forte polémica entre os veciños de Brocos que non querían que se cambiase a zona de adestramento no vello horreo do Barreiro, que tamén se empregaba como lugar de ocio tradicional praia fluvial da parroquia nós veráns.
Maila a iso a falta de espazo e a dificultade para acceder varios vehículos, especialmente os pesados ou voluminosos, fixo que se tivera que cambiar de ubicación.
O clube por aquel momento estaba funcionando a pleno rendemento, moi centrado na liga de kaiak polo, con entrenamentos dous ou tres dias por semana moi rigurosos e intensos. Os palistas contaban xa con unha boa base técnica e práctica.
En boa medida por acudir a os simposums organizados anualmente pola federación galega de Piragüismo en Silleda, Lugo, Pontevedra e outras localidades, donde varios deles se cualificaron como monitores nacionais de piraguismo e como árbitros de kaiak polo.
Ao mesmo tempo os resultados das ligas de Kaiak polo non eran os esperados, notabase unha clara melloría, con xogadas individuais e en equipo que deixaban coa boca aberta a outros clubes e espectadores. Podería dicirse que a melloría dos resultados foi un proceso en lento e progresivo.
